berti
Neues Mitglied
Angesichts der diesjährigen Wettersituation habe ich ein Gedicht gefunden, welches die Sache aus der Sicht der Hasen beschreibt. Dieses Gedicht ist allerdings in schlesischer Mundart geschrieben. Ich hoffe ihr versteht es trotzdem. Ich habe durch meine Mutter noch eine enge Beziehung zur schlesischen Sprache.
Regentage
Jitz rants und schwere grooe Wulka joan.
Do fleugt kee Alerweibersummer nimme.
A Hoase sitzt und fängt zu schimpfa oan.
Hurcht, woas a spricht ei semm gerechta Grimme!
Sieba Tage Ran! (Regen)
Wu mags uff derr Welt noch a treuges Platzla gan?
Noß is derr Pusch und noß sein die Äcker,
Voo früh bis obends gieht doas Geklecker.
Niederträchtiges Water doas!
Ma hopst ei die Fichta, ma setzt sich eis Groas,
Klatschenoß ies olls,Die Jauche steht ehm bis onn a Hols.
Und wu ma hienkimmt, onn olla Ecka,
Kriecha die Viehcher, die schworza Schnecka.
Hinte a Stücke, munne a Stücke,
Übroale trifft ma die äkliche Klicke,
Und trifft ma uff eene,
Doo glitscht ma aus und bricht Hols und Beene.
Und Giftpilze schissa jitz ei die Hüh,
Bale rut wie Blutt, bale weiß wie Schnie,
Und immerfurt loatscherts, und immerfurt,
Is hoot überhaupt noch nich uufgehurrt!
Doo hilft kee Ärgern, kee Schimpfa, kee Gräma,
Ma wird sich als Hoase noch müsse zum Schwimma bequäma.
Mohlt Euch blußig doas Bild jitz aus,
Wie merr olle warn rudern üms Färschterhaus.
Om Ende wachsa ins goar noch Flussa,
Doo warn merr geangelt onstotts geschussa.
Und kumma zuletzte noch uff a Tiesch
Als gebrotner Fiesch!
Spoß beiseite, die Sache ies ernste!
Hier heeßt´s bluus: woas de nich konnst, doas lernste!
Ätsch, doas kleckert ehm bis ei a Schlung,
Hoot´s denn nich bale gesäut genung?
Sul denn doas wettergiehn Moonda und Wucha?
Ma kriggt ju is Reißa ei olle Knucha.
Stille, iech rädt´t mich ock bluß ei die Buust.
Ees weil iech gleeba und doas ies mei Truhst:
Doo maag´s meinswägen jitz rann oder schnein,
Derr Färschter sul gestern ersuffa sein!
Stimmt doas, doo hoa iech om längsta gekloat,
Doo hoot doch die Schweinerei Zweck gehoat.
Derr Hoase schimpft, a hoot oo Grund derzu.
Uff eemoll scheint die Sunne wieder ei´s Gehülze,
Do sein die ala Weibla fruh,
Und renna ei a Puusch; denn jitz gibbt´s Pilze!
von Ernst Schenke
aus dem schlesischen Lese- und Vortragsbuch
Regentage
Jitz rants und schwere grooe Wulka joan.
Do fleugt kee Alerweibersummer nimme.
A Hoase sitzt und fängt zu schimpfa oan.
Hurcht, woas a spricht ei semm gerechta Grimme!
Sieba Tage Ran! (Regen)
Wu mags uff derr Welt noch a treuges Platzla gan?
Noß is derr Pusch und noß sein die Äcker,
Voo früh bis obends gieht doas Geklecker.
Niederträchtiges Water doas!
Ma hopst ei die Fichta, ma setzt sich eis Groas,
Klatschenoß ies olls,Die Jauche steht ehm bis onn a Hols.
Und wu ma hienkimmt, onn olla Ecka,
Kriecha die Viehcher, die schworza Schnecka.
Hinte a Stücke, munne a Stücke,
Übroale trifft ma die äkliche Klicke,
Und trifft ma uff eene,
Doo glitscht ma aus und bricht Hols und Beene.
Und Giftpilze schissa jitz ei die Hüh,
Bale rut wie Blutt, bale weiß wie Schnie,
Und immerfurt loatscherts, und immerfurt,
Is hoot überhaupt noch nich uufgehurrt!
Doo hilft kee Ärgern, kee Schimpfa, kee Gräma,
Ma wird sich als Hoase noch müsse zum Schwimma bequäma.
Mohlt Euch blußig doas Bild jitz aus,
Wie merr olle warn rudern üms Färschterhaus.
Om Ende wachsa ins goar noch Flussa,
Doo warn merr geangelt onstotts geschussa.
Und kumma zuletzte noch uff a Tiesch
Als gebrotner Fiesch!
Spoß beiseite, die Sache ies ernste!
Hier heeßt´s bluus: woas de nich konnst, doas lernste!
Ätsch, doas kleckert ehm bis ei a Schlung,
Hoot´s denn nich bale gesäut genung?
Sul denn doas wettergiehn Moonda und Wucha?
Ma kriggt ju is Reißa ei olle Knucha.
Stille, iech rädt´t mich ock bluß ei die Buust.
Ees weil iech gleeba und doas ies mei Truhst:
Doo maag´s meinswägen jitz rann oder schnein,
Derr Färschter sul gestern ersuffa sein!
Stimmt doas, doo hoa iech om längsta gekloat,
Doo hoot doch die Schweinerei Zweck gehoat.
Derr Hoase schimpft, a hoot oo Grund derzu.
Uff eemoll scheint die Sunne wieder ei´s Gehülze,
Do sein die ala Weibla fruh,
Und renna ei a Puusch; denn jitz gibbt´s Pilze!
von Ernst Schenke
aus dem schlesischen Lese- und Vortragsbuch