Ciao Zäma, schön gits do a Schwizerecka :O). Kennt wer vu Eu an Rheumatolog wo spezialisiart isch uf Psoriasisarthritis? Bin no ganz am Afang vu minam "neua Läba" und wär froh um Tips. Danka Grüassli usam Graubünda
Rheuma Arzt Hallo Ja aber nid in Graubünde. Kenne nur eine in Wädenswil Züri. Aber bi sälber nüme döt. Bi wäg züglet. Rheumapraxis und Physiotherapie Dr. med. Andreas Wüest 8820 Wädenswil Hoff cha dir da hälfe. Lg Nio
Hoi Sophia, bis jetzt kenn i in Chur 3 Rheumatologa aber so richtig überzügt hett mi keina. Han aber da Tipp kriegt dass da Kuoni in der Paradiesgass in Chur guat sig. Im Moment hanni eifach gnuag vu dera Vechslerei, aber dört goni wohrschinlich amol go luaga. Fachlich sinds glaubi scho guat, aber für mi muassas halt au menschlich passa. Und wenn i nach 5 Minuta wieder dussa bin und i behandlet werda wia am Flüssband und uf Froga nid iiganga wird oder Saich verzellt wird frog i mi scho wieso die Arzt worda sind. Alternativ wär no Valens, döt nehmen's sich Ziit zum Untersuacha. Bad Ragaz sind glaubs au nu dia vu Chur. Dr. Hasler im Lacuna isch fachlich sicher guat, aber kunsch Diar vor wia im Militär, d' Riebe lost nid zua, macht kai Röntgabilder und will eigentlich nu schnell s'Rezpt usstella und der ander Hasler in der Rabegass isch glaub bald pensioniert. Da Dr. Bona schint miar no an sympatischa, aber gsi bini bi däm no nia. Aber i glaub i würs bi däm amol probiera, scho vur Usbildig her. Bi wem bisch bis jetzt gsi? Viel Glück wünscht Diar Arielle
Nico: danka vielmol für d Uskunft Arielle: danka, bin eba bim "Militärarzt" gsi und han au ds Gfühl das er fachlich sehr guat isch, aber er isch miar menschlich eifach ds kalt...do hesch Medi bis imna halba Johr widr zum röntga...und uf all mini Froga hetts nu ganz schnelli Antworta geh ...autsch. Bin ganz Dinara Meinig; as muas eifach au Menschlich stimma mit ma Arzt, ma muas sich ernst gno und verstanda fühla und as biz Zit dörfans sich au neh für üs, schliasslich zahlan miar jo au dr für :o). I glauba i versuacha dr Kuoni mol. Hesch Du au PsA? Liaba Gruass
arielle, han grad in Dinara Krankheitsvisita noh gläsa...also mini Frog isch beantwortat. viel Kraft und an schöna Obad für Di
merci Diar Und verzellsch denn wies witergoht? Wür mi scho no interessiera. Und i bin richtig froh, dass i nid allei das Militärgfühl gha han bi dem. Wenn Du ihm aber saisch dass Du Dini Sacha willsch und nüm kämisch, wird er im Fall ziemli hässig. Aber i han ihm mini Argument gsait, er muass dia Bilder ussageh. Viel Erfolg und a guati Zit Arielle
