Hoi zäme, diä Omfrog esch zwor scho es bezzali lenger här aber ech antworte eifach gliich emol druf: ech be e Lozärneri ond freue mech, euch kennezleere! S het jo veli us de Ennerschwiiz do! Liäbi Grüessli vom Glüewörmli
Guete Obig, Tablat, wo chonsch du de här? Gsesch du öppe de Pilatus? Seisch em denn e Gruess vo miär! Ehrlich gseid wonne ech gar nömme z Lozärn, ech be vor es paar Jöörli (35!!!)noch Tütschland zöglet! Aber ech be z Lozärn gebore ond ha öber zwänzg Joor do gläbt bes ech mini grossi Liäbi z Stuttgart gfonde ha. Aber well ech rüdig fescht Heiweh ha, vorallem a de Fasnacht, schriib ech halt emmer ech sigi vo Lozärn ond es bezzali stemmts jo au. Liäbi Grüessli, s Glüewörmli
Sali glüehwürmli ich wohne in biel. Ufgwachse bin i z'appezöll.. Oje, weiss nöd mol i wellere richtig de pilatus isch.(schäm) ui, das isch sicher e umstellig gsi, is dütsche zügle. ir liebi grüess schick vo de verägnäte schwiiz
Aw Sali glüehwürmli Ouje ouje ja das chani verstoh das du ar Fasnacht Heiweh hesch. Ig ha nämlech Fasnacht o gern. Ig bi im Kanton Bern ufgwachse u bi de i Kanton schwyz u jetzt in Züri gsi. Und bald Zihe ig wider i Kanton Bern wo mini wurzle her chöme u mini Familie Wohnt. OH isch das nid heftig gsi wo weg bisch gange vor schweiz? Ig chönt das nie i mim läbe, ig bi immer froh wenn ig vo de ferie wider hei cha. Ig Grüsse dich ganz lieb u schicke dir chley Schwyzer Fondue NIO
Hoj Nio, ändlich öpper wo mech verstoht met em Fasnachtsfieber!! Z Schwiiz han i au scho gschaffed, diä händ jo weder e ganz anderi Fasnacht. Das esch au enteressant, wiä verschede es fo Ort zo Ort gfiired werd! Was good z Bärn i dene Täg? Jo, s Härz hed scho e bezzali blüetet wo o fort gange be fo Lozärn ond minere Fameli, aber d Liäbi esch eifach so stark gsii- öbrigens emmer no, ech has ned bereut!!! Danke förs megaguete Fondue, ha nochhär no e ganzi Tafele Schoggi verpotzt, de Fettspiägel im Bluet törfti jez höch gnueg sii! I allne e schöne Tag wönscht s Glüewörmli
Kennelehre Säli Zäme Wiä wär das wenn mir üs mau Träffe würde Glüewörmli und natürlech aui wo intresse hätte? Denke es würd üs aune guet due mau fründe und Kollege kennenlehre wo aui am gliche Strick sie und verstöh warum mirs so schwer hei und au schmärze ect händ. Bin Truurig weu mi nimert richtig verstoht, mängisch nid mau mi Familie. Lg Nio
Re: Hoi Ig Wohne ize wider i mire Heimat. Im Kanton Solothurn. U ihr nöchi vo mim Heimat Städtli vom Kanton BE. Lg Nio
hey ihr lieben schweizer... ... hab grad gedacht, ihr könntet doch mal bei doegi (admin) anfragen, ob er euch nen schweizer-chat-room einrichtet?! nur so als idee... vielleicht würde euch das gefallen? der rest auf der "piazza" im chatroom würde wahrscheinlich so schauen: , wenn ihr euch unterhaltet liebs gruessli fee ps: hab 15 jahre in bawü gewohnt und verstehe süddeutsch/ schweizerdeutsch/ die österreicher/ südtiroler ganz gut und mag das sehr.... vermisse es auch hin und wieder hier im norden deutschlands...
Re So ich habe bereits anfrage gestartet. So bald ich bescheid habe werde ich es bekannt geben Liebe Grüsse und danke
Ihr könnt doch einen eigenen Schweiz Raum aufmachen, der erste der kommt erstellt den und die anderen können dazukommen. das ist somit kein fester Raum, sondern einer der bei Bedarf eröffnet wird. Gruß Kukana
Hoi zäme, ou lässig!!!! Ech wäri au debiii! S wär nätt went üs Pscheid gäbsch, Nio, wenns met em Tschätt goht! Danke au dier ond es virtuells Schmötzali, Doegi! Liabi Grüessli, Esther
Wichtig Säli Liebi Schwiizer Sit gester isch üse Chat igrichtet. Unger de Chat Rüm isch üse Schweizer egge igrichtet. ig wär ize on. Lg Nio
